غلطة مدفوع تمنها بقلم ميمي عوالي
فى بيت عيلة مكون من تلات طوابق وحواليه جنينة صغيرة لكن جميلة ومنظمة بسور وبوابة حديد كل دور عبارة عن شقتين عايش فى اول شقة من الدور الارضى الجد احمد ومراته هداية احمد ميسور الحال عنده مجموعة من محلات قطع غيار الادوات الكهربية وبيعتبر ان اكبر انجازاته فى الدنيا دى ولاده الاتنين محمد ومحمود واللى بيديروا محلات ابوهم بالمشاركة مع بعضهم
محمد قاعد فى الشقة اللى قصاده هو وسهام مراته وبنتهم ليلى وحيدتهم اللى تعتبر بطلة روايتنا واللى اتخرجت السنة دى بس من كلية الالسن عندها ٢٢ سنة ولسه بتدور على شغل ليلى محجبة وجميلة جدا لكن للاسف معاقة مبتحركش ايدها الشمال غير بصعوبة شديدة جدا بسبب حاډثة قديمة هحكيلكم عليها بعدين
اما محمود الابن التانى لاحمد عايش فى الدور اللى فوقهم على طول فى شقة من الشقتين مع مراته نوال وولادة الاتنين حسام وحسن
حسام الكبير وكيل نيابة وسيم وجذاب ورياضى عنده ٢٨ سنة واخد الدنيا عافية بيعمل كل حاجة على مزاجة من غير مايفرق معاه حد من الاخر بيمارس وظيفته على كل اللى حواليه مغرور وفاكر ان الدنيا مافيهاش زيه ودايما ردود فعله عڼيفة على اللى حواليه وخصوصا ليلى دايما بيتعصب عليها وبيعاملها وحش وبرغم ان ده اتسبب له فى مشاكل كتير لكن برضة مافيش فايدة رغم انه ماكانش كده خالص فى الاول وبدون اسباب مفهومة
وحسن الصغير خريج شرطة عنده ٢٥ سنة ميفرقش فى صفاته الجسمانية عن حسام لكن فى الطبع يفرق كتيير حسن بيحب الدنيا ودايما بيضحك وبيهزر وقعدته حلوة بيحب جده وجدته جدا
احمد لما عمل البيت ده كان مقرر ان محدش من احفاده يخرج برة البيت فكان مخصص شقة لليلى وشقة لحسام وشقة لحسن لكن بسبب حاډثة ليلى واللى السبب فيها حسام قرروا ان حسام يتجوز ليلى بعد مالقوا ان بعاهتها دى محدش هيبصلها ولا يطلبها للجواز فلازم حسام يتحمل نتيجة غلطته ويتجوزها هو
وده سبب الإصابة ليلى كانت فى تانية ثانوى طول عمرها جميلة وروحها حلوة واخلاقها عالية جدا فى يوم كانت راجعة من المدرسة بس اتاخرت شوية لانها استاذنت من مامتها تعدى على المكتبة تشترى كتاب كانت حابة تجيبه ولما رجعت واول ما دخلت من باب البيت كان حسام لسه راجع من برة ولما لقاها داخلة من برة اتنرفز عليها عشان اتاخرت ولما عرف انها كانت بتشترى كتاب مد ايده خطڤ منها الكتب وقعد يدور فيها وعشان حظها لقى فى وسط الكتب رواية رومانسية اټجنن وزعقلها واخد منها الرواية قطعهالها وفى الاخر زقها عشان تدخل على جوة لكن للاسف لما زقها وقعت على بعض اسياخ الحديد اللى كانت موجودة عشان البوابة سيخ منهم قطعلها بعض اوتار ايدها وللاسف اثرت على حركة ايدها بقية عمرها حسام قعد فترة بعيد عن البيت بعد الحاډثة بسبب المشاكل اللى حصلت له من جده وابوه وعمه بسبب اللى عمله لكن بمرور الوقت رجع من تانى قعد معاهم لكن بطبعه هو هو متغيرش
كانت ليلى بيجيلها عرسان كتير جدا لكن محدش منهم بيبقى عارف بحكاية اصابتها دى غير لما بيتقدم رسمى فليلى تصمم ان ابوها يعرفهم باصابتها دى وانها اصاپة دايمة مش مؤقتة قبل حتى ما تقعد مع حد لكن النتيجة فى كل مرة ان اللى بيعرف المعلومة بيمشى ومبيرجعش تانى لحد ما الجد احمد قعد مع ابنه محمود وطلب منه ان حسام يتجوز ليلى لانه اتسبب فى دمار مستقبلها بعملته
محمود كان خاېف جدا يفاتح حسام فى الموضوع لانه عارف طبعه وبقى حامل هم المشاكل اللى ممكن تحصل تانى
فلاش باك
لما محمود فاتح حسام فى الموضوع نوال معترضتش كتير لانها كانت متطمنة ان لا يمكن حسام هيوافق على الوضع ده لكن اتفاجئت ان حسام وافق بمنتهى السهولة من غير اى اعتراض
نوال انت بتقول ايه يعنى ايه موافق وبالسهولة دى
حسام انا قلت ان لو حسن وافق على الكلام ده فانا كمان موافق وخلصنا
نوال مش تفهمنى موافق على اساس ايه دى بايد واحدة عارف يعنى ايه بايد واحدة لا هتعرف تخدمك ولا تعرف تشوف طلباتك وهتتحرم من حاجات كتير اوى لو اتجوزتها
محمود وبعدهالك يانوال بقى انا كنت خاېف ان هو اللى يرفض يقوم لما يوافق تيجى انتى بتعصيه عليها
نوال شفت انت بتقول ايه كنت خاېف انه يرفض لانك عارف انها متلقش بيه ولا بمستواه ابدا
محمود ومتليقش بمستواه ليه بقى ان شاء الله ماهى بنت اخويا وحفيدة احمد شديد زى ابنك بالظبط
نوال بغل بس ناقصة يامحمود ناقصة ايد ولا انت ناسى ابنك وكيل نيابة المفروض مراته تشرفه محتاج واحدة كده زى الدكتورة ناهد واللا المهندسة فاتن ولاد اختى مش ليلى ابدا
محمود وهو مين السبب انها تبقى ناقصة ايد يانوال مش ابنك واللى المفروض انه يتحمل نتيجة تصرفاته
نوال بعنجهية ده نصيبها وبعدين مش كان بيادبها على المسخرة اللى كانت بتقراها
محمود پغضب لمى الدور يا نوال
حسام بعدم مبالاه انا قلت انى موافق وخلصنا بس اما اعرف رأى حسن مش انتو عاوزينى اصلح غلطتى واتجوزها حاضر انا موافق لكن مش عاوز اى حد يطالبنى باى حاجة تخصها بعد كده
محمود تقصد ايه بكلامك ده
حسام اقصد ان جوازى من بنت اخوك هتبقى تقضية واجب عشان بس مشيلش ذنبها لكن تيجوا بعد كده حد يقوللى حقها ومحقهاش محدش له حقوق عندى ويوم ما افكر انى اتجوز عليها مش عاوز اسمع اعتراض من اى مخلوق
فى الوقت ده كان حسن داخل من برة وسمع اخر كلام قاله حسام فبص لحسام وقال له والمفروض بقى اننا نوافق على كلامك ده
حسام مانا مستنى رأيك يا حسن وبعد كده كل واحد يشوف حاله
حسن وليلى تبقى حالى ياحسام
حسام يعنى ايه ياحبيبى هتتجوزها انت بدالى
حسن وانا موافق
نوال انت بتقول ايه انت كمان
حسن بقول انى عاوز اتجوز ليلى ليلى انسانة جميلة ومحترمة والف مين يتمناها وانا اولهم
نوال يابنى فكر بعقلك شوية ده انا كلمت اختى عشان اخودلك المهندسة فاتن مهندسة قد الدنيا وحلوة وزى القمر وهى اللى تليق بيك
حسن بس انا مطلبتش منك يا ماما انك تخطبيلى حد وانا عاوز ليلى مش عاوز فاتن ولا غيرها
نوال يعنى ايه هتتجوزها ڠصب عنى
محمود نوال لو سمعتك بتجيبى سيرة الموضوع ده تانى هزعلك
وبعدين اتلفت لحسن وقال له انت فعلا عاوز بنت عمك ياحسن
حسن ايوة يابابا وانا كنت ناوى انى افاتحك فى الحكاية دى بس كنت مستنى اشوف حركة التنقلات الاخيرة هتودينى فين
محمود خلاص يابنى هحدد معاد مع عمك نقرا فاتحة ونلبس دبل
باك
لما حسن اتقدم لليلى الكل اتفاجئ فى الاول لكن فى نفس الوقت الكل رحب وبسعادة كمان لان حسن بطبعه محبوب من الكل حتى ليلى كانت مبسوطة لانها كانت بتستريح جدا فى التعامل مع حسن وكانوا اصحاب ودايما يهزروا ويضحكوا سوا ودايما كان حسن يعرض عليها انه يوصلها فى اى مكان او انه يروح معاها اى مشوار وكانت دماغهم قريبة جدا من بعض لكن لما حسن طلب ايد ليلى الجد احمد طلب من حسن انهم
حسن بمرح ايه الاحراج ده ياجدى هو اما واحد يطلب واحدة للجواز بيطلبها ليه
احمد ابتسم وقال له ليه طلبت ليلى ياحسن ومتخبيش على جدك انت طول عمرك بتيجى دوغرى معايا
حسن بص فى الارض شوية وبعدين اتنهد وقال لجده مش عاوزها تتهان ياجدى
احمد باستغراب ومين ده اللى يقدر ېهينها وانا على وش الدنيا
حسن سكت شوية وبعدين قال له لو كان حسام طلبها كان هيتجوزها تمشية اوامر وبس ياجدى ترضاهالها
احمد وهو باين عليه الڠضب هو قال كده
حسن بسرعة لا لا ياجدى مقالش بس حسام مبيحبهاش وبقاله فترة كبيرة وهو بيعاملها وحش قبل الحاډثة وبعدها مابالك بقى لو بقت مراته لكن انا وليلى اصحاب وطول عمرنا بننسجم سوا وغير كده انا خالى مفيش حد فى حياتى يبقى ليه لا وخصوصا ان ليلى ست البنات كلهم
احمد ربنا يكملك بعقلك ياحبيبى طول عمرك راجل ياحسن ربنا يسعدكم يابنى واشوف ولادكم
حسن ربنا يديك الصحة وطولة العمر ياجدى ومنتحرمش منك ابدا
والنهاردة كتب كتاب حسن وليلى
احمد عمل لهم حفلة جميلة فوق سطوح البيت كان كل اللى فيها فرحان ومبسوط ماعدا تلاتة نوال اللى طبعا شايفة ان ليلى لا تصلح انها تبقى زوجة من الاساس لا وكمان بتتجوز ابنها الظابط الهمام واختها ابتسام وبنتها فاتن اللى بتحب حسن من زمان وكانت عشمانة انه يتجوزها ومتطمنة انه بتاعها خصوصا ان خالتها كانت دايما تقوللها ياعروسة ابنى
ولما جه وقت تلبيس الشبكة نوال لقتها فرصة انها تفش غلها فراحت وقفت جنبهم ولما جت اللحظة اللى المفروض ليلى تلبس حسن دبلته نوال قالت بصوت عالى ساعدها ياحسن ولا البسها انت وخلاص مش هتعرف تلبسهالك بايد واحدة
ليلى الدبلة وقعت من ايدها وابتسامتها انطفت لكن حسن لحق الدبلة قبل ما تقع ع الارض وبص لامه وعينيه فيها ڠضب لكن حاول ميبينش وضحك وقال لليلى وهو بيغمزلها امى دى هبلة الظاهر اساعد مين ده انا عاوز اللى يساعدنى ياللا يالولو الحقى حطى الدبلة فى صباعى بدل ما هاخدك وامشى من غير ما البسها وعهد الله ولا يهمنى والبوكس واقف برة مستنى اشارتى عشان يهربنا من ام الليلة دى
ليلى من تانى مسكت الدبلة من ايده وحطيتها فى صباعه وهى بتضحك وبتقول له هتفسحنى ليلة كتب كتابنا بالبوكس ياحسن
حسن باسها من جبينها وقال لها وهو بيضحك يابت عشان محدش يقدر يقفشنا
فى اللحظة دى جه حسام وقف قدامهم وكان مكشر زى عادته سلم على حسن وقال له مبروك ياحسن عقبال الليلة الكبيرة
حسن بحب وقال له عقبالك ياكبير معلش بقى سبقتك مرة من نفسى
حسام بص لليلى وقال لها برخامة مبروك ياليلى على الله تعقلى بقى وتشيلى المسئولية
ليلى بصتله وهى رافعة شفايفها بقرف وقالت له شكرا
وبعد ما حسام سابهم ومشى ليلى وحسن بصوا لبعض وقعدوا يضحكوا جت فاتن ومامتها يسلموا عليهم ويباركولهم
ابتسام لمجرد اداء الواجب ومن غير نفس مبروك ياحسن مبروك ياليلى
حسن وليلى الله يبارك فيكى ياخالتو
فاتن سلمت على حسن وقالتله وهى متعمده
ان صوتها يبقى مسموع لليلى مبروك ياحسن رغم انك تستاهل اللى احسن من كده
حسن واللى كان فاهم قصدها قاللها برضة بصوت مسموع وعمل انه بيهزر معاها الله يبارك فيكى يا فاتن بس معتقدش ان ممكن يبقى فى حاجة احسن من كده عقبالك انتى بقى لما يجيلك اللى هينطس فى نضره ويتقدملك
فاتن اتضايقت جدا لدرجة انها مباركتش لليلى وسابتهم ومشيت وهى متنرفزة
حسن قام وقف وشد ليلى من ايدها وقفها وهو بيقول بصوت عالى الله يبارك فيكم كلكم ياجماعة انا متشكر جدا ليكم كلكم على تعبكم وهاكت انا بقى مع عروستى عشان عازمها على العشا برة
نوال بغيظ ولزمتها ايه المصاريف ماتقعدوا تتعشوا هنا ولا كل واحد ياكل سندوتش وخلاص وينام
حسن بتريقة وياترى السندوتشات هتبقى فينو ولا عيش بلدى يانوال
نوال بنرفزة انت بتتريق عليا يا ابن بطنى
حسن وهو بيبوس نوال من خدها ماعشت ولا كنت يا نوال بس جدى عازمنا على العشا برة
نوال باستفسار عازم مين كلنا يعنى
حسن كلكم مين يانوال انا وليلى عريس وعروسته ناخدكم معانا بتاع ايه ان شاء الله يالا سلام القاكى لما اعود بقى باذن الله
ليلى شدت نفسها من ايد حسن وقالتله عاوزة اسلم على بابا وماما وجدو وتيتة قبل مانخرج
حسن واجب برضة روحى ياختى سلمى
ليلى ايه ده وانت مش هتسلم
حسن مانا معاكى يابت اهوه هو انا مشيت
راحوا سلموا على محمد وسهام ومحمود ولما وصلوا عند احمد وهداية باسوا ايدهم احمد طلع ظرف مليان فلوس حطه فى جيب حسن وقال له انبسطوا يا اولاد ومتحرموش روحكم من حاجة
وهداية لبست ليلى سلسلة قيمة وجميلة جدا وقالتلها ان دى هديتها ليها واخد حسن ليلى وراحوا سهروا واتعشوا سوا فى افخم اوتيلات البلد وهم فى منتهى السعادة رجع حسن وليلى من سهرتهم متاخرين شوية لكن كانوا مبسوطين بجد من قلبهم لكن اول ما وصلوا لقوا الرجالة كلهم متجمعين فى الجنينة احمد ومحمد ومحمود حتى حسام كمان قاعد معاهم وشكلهم بيتكلموا فى موضوع مهم حسن من وهو على البوابة قال بصوت عالى السلام عليكم يا اهل البيت ايه اللى مسهركم لحد دلوقتى مش عوايدكم يعنى
احمد ابتسم وفتح دراعاته لليلى اللى جريت وهى مبسوطة وقال لحسن عمك ياسيدى مجالوش نوم هو ومراة عمك قبل مايتطمن على القمر بتاعته
ليلى رفعت راسها بسرعة وبصت لباباها وقالته انا اسفة يابابا لو كنت اتاخرت بس حسن
حسن شهق وهو بيهزر وقال حسن !! من اولها هتبعينى وتعترفى من اول قلم يابت اجمدى كده ده انتى بقيتى مراة ظابط قد الدنيا
حسام بس برضة ياحسن مكانش المفروض تتاخروا كده انت عارف الدنيا مابقيتش امان زى زمان عشان التاخير ده
حسن وهو بيطبطب على كتف حسام ياعمنا سيبها على الله وانت ياعم محمد بحبحها شوية
محمد ضحك وقال له هبحبحها اكتر من كده ايه بقى ياسى حسن دى الساعة داخلة على تلاتة اهوه وانا ما اتكلمتش حتى نص كلمة بس ده لانى عارف انك راجل يا سونة
حسن بتريقة راجل ايه بقى بعد كلمة سونة اللى ختمت بيها دى
كلهم ضحكوا اوى و ليلى خبت وشها فى كتف جدها راح حسن شاددها وقاللها بت انتى بالذات ماتضحكيش يالا روحى ادخلى على جوة
ليلى وهى بتعانده واشمعنى انا بالذات بقى ياسى حسن ماكلهم ضحكوا حتى جدى
حسن وهو رافع حاجب واحد وبيتصنع الحدة عشان قلت كده ولا هتنزلى كلمتى الارض من اولها
ليلى بخبث لا وانا اقدر برضة انزل كلمة سى سونة الارض
قالتها وطلعت تجرى على شقتهم وسط ضحك كل اللى قاعدين واللى فجأة سكتوا لما سمعوا صوت نوال جاى من فوق وهى بتقول بغيظ ما كفاية بقى قعدتكم دى وادخلوا يالا صوتكم عالى وعامل قلق وتلاقى الناس مش عارفة تنام
حسام قام وقف وقال ماما عندها حق يالا انا هطلع انام تصبحو على خير يالا ياحسن اطلع معايا
حسن وهو رايح مع حسام تصبحو على خير يا بشړ اشوفك الصبح ياجدى
ردوا
وبعدين احمد قال له هستناك يا حسن لازم
